Радуга» шағын орталығында 2026 жылғы 18 ақпан күні қалалық семинар

Шығыс Қазақстан облысы білім басқармасы Өскемен қаласы бойынша білім бөлімінің №5 орта мектебі КММ жанындағы «Радуга» шағын орталығында 2026 жылғы 18 ақпан күні қалалық семинар өтті. Семинардың мақсаты – мектепке дейінгі білім беру ұйымдарында ұлттық құндылықтарды дәріптеу арқылы адал, отансүйгіш, рухани бай тұлға тәрбиелеудің тиімді жолдарын көрсету және педагогтердің тәжірибе алмасуына жағдай жасау. Іс-шара барысында ұлттық құндылықтардың бала тәрбиесіндегі маңызы айқындалып, тәрбие үдерісінде қолданылатын тиімді әдіс-тәсілдер ұсынылды.

Семинар аясында Жүсупова С.Ы. және Осанова Г.А. өздерінің ашық іс-тәжірибелерімен бөлісіп, мазмұнды ұйымдастырылған оқу қызметтерін көрсетті. Сонымен қатар келген қонақтармен бірлескен шеберлік сабақтары ұйымдастырылып, ұлттық құндылықтарға негізделген тиімді тәжірибелер ортаға салынды. Нәтижесінде педагогтер балалардың бойында адалдық, адамгершілік, үлкенді құрметтеу, кішіге қамқор болу сияқты рухани қасиеттерді қалыптастыру бағытындағы жұмыс түрлерін жетілдіріп, кәсіби құзыреттіліктерін арттырды.